Maro tamin'ny olom-pirenena no nanantena fiovana rehefa niala teo amin'ny fitondrana i Andry Rajoelina. Indrisy anefa fa rehefa niditra i Andria... dia hita miharihary fa toy ny miaina ny fizarana 'Andry Faharoa' ny firenena, izay ahitana fa tsy mety afaka ny kolikoly avo lenta sy ny fanararaotam-pahefana. Rehefa miova fotsiny ny mpitarika fa ny rafitra no mbola ilay teo ihany, dia mainka mihena ny fitokisan'ny vahoaka ny andrim-panjakana.

Na i Andry na i Andria, tsy misy ambonin'ny lalàna

Ao anatin'ny fanjakana tan-dalàna dia tokony hitovy avokoa ny rehetra eo anatrehan'ny lalàna. Maro ny fanakianana ny fitantanana teo aloha, saingy ny hita ankehitriny dia mitohy ny fanao ratsy. Raha misy afera maizina sy ahiahy momba ny fanodinkodinam-bola ao anatin'ity fitondran'i Andria... ity, dia tokony hojerena amin'ny fanadihadiana mahaleo tena sy ara-drariny izany, fa tsy havela ho voaaron'ny tsimatimanota.

>Ny fahefana dia andraikitra hiarovana ny firenena, fa tsy lova hifandimbiasan'ny mpanao kolikoly.

Antso ho amin'ny mangarahara

Tsy mila mpisolo toerana manohy ny fanaon'ny teo aloha ihany ny Gasy. Mitaky fitantanana mangarahara, fanaraha-maso mahomby ary fampiharana mitovy ny lalàna ny olom-pirenena mba hanamafisana ny fitokisana sy hiadiana amin'ny kolikoly tena izy, fandrao ho fanoloana endrika ivelany fotsiny ity nitranga ity.